Біздің жобалар

Әдетте, ардагерлер жайында Жеңіс күні қарсаңында еске алатын әдетіміз бар. Оларды мерекелік шараларға шақырып, азық-түлік себеттерін тапсырып, келесі 9 мамырға дейін олардың мәселелері жайында ұмытып жатамыз. Өткен 12 жыл ішінде «ҰОС ардагерлері, тыл еңбекерлері және соғыс балалары кеңесі» ҚҚ ардагерлердің неге мұқтаж екендерін анықтап, оларға нақты атаулы көмек көрсету жұмыстарын жүргізуде.

Ардагерлер мен Қордың күнделікті жұмысы туралы патриоттық мәні бар журнал. Шығарылым арадагерлер арасында ғана емес, жастар арасында да танымал. Үш бөлімнен тұрады: бүгінгі күн, кешегі күн және болашақ. Бірінші бөлімде біз ардагерлердің бүгінгі күнгі тіршіліктері жайында баяндаймыз. Оларға Қор тарапынан қандай шаралар ұйымдастырылады, солар жайында жазамыз. Екінші бөлімде тарихқа үңілуге мүмкіндік береміз, ардагерлердің жастық шағы, жаумен күрескен кездері, Отан үшін еңбек еткен сәттері. Соңғы бөлім - бүгінгі ұрпақ жайында. Олардың соғысқа деген көз қарасы, Жеңіс жайында және жалынды жастар - еріктілер туралы.

Біздің қор ардагерлердің мәселелеріне бей-жай қарамайтын жандарды Еріктілер клубына қосылуға шақырады. Мейірімділік – ол жай айтылған сөз емес, ол жүрек қалауы. Бізге күнделікті қамқорлық көрсете алатын, оның ішінде бір күндік азық-түліктерін жеткізіп отыратын адамдар қажет. Егер де Сіздің бос уақытыңыз болса, ең бастысы көмектесем дейтін ниетіңіз болса, сайтта көрсетілген форманы толтырып, бізге тез арада хабарласыңыз.

Бұл жоба жасына байланысты жүре алмайтын, үйлерінен шыға алмайтын немесе өз еркімен тамақ әзірлей алмайтын қарияларға арналған. Жоба ардагердің мекен-жайына тегін ыстық тамақ апарып беру жолдарын қарастырады. Егер де қарт адам өз еркімен жүре алса, үйіне жақын жерде орналасқан тамақтану орнына (кафе, асхана) барып, тегін тамақ іше алатын жолын қарастырады.